Íslenski landsliðsmaðurinn Hólmar Örn Eyjólfsson verður frá keppni í að minnsta kosti níu til tíu mánuði eftir að hafa meiðst alvarlega á hné í leik með Levski Sofia í vikunni. Morgunblaðið greinir frá.
Hólmar sleit krossband og reif liðþófa í bikarleik gegn Cherno More í fyrradag.
Hólmar sleit krossband og reif liðþófa í bikarleik gegn Cherno More í fyrradag.
„Krossbandið er farið og liðþófinn líka, þannig að næsta í stöðunni er að finna út úr því hvar ég verði skorinn upp og koma því í ferli. Þetta eru fyrstu hnémeiðsli sem ég lendi í á ferlinum," sagði Hólmar við mbl.is.
Hólmar hefur spilað í hægri bakverði fyrir íslenska landsliðið í síðustu leikjum en nú er ljóst að hann verður lengi frá.
Hólmar er 28 ára gamall en hann kom til Levski Sofia í fyrra eftir stutta dvöl hjá Maccabi Haifa í Ísrael. Þar áður lék hann með Rosenborg í Noregi.
Athugasemdir